ميكساوى للمعلوميات ميكساوى للمعلوميات
فيسبوك

آخر الأخبار

فيسبوك
اخبار
جاري التحميل ...
اخبار

أكسب من بيتك أحلى فلوس مع كورس صيانة الكمبيوتر المجانى الشامل بإذن الله (الكورس فيديو)

كورس صيانة الكمبيوتر المجانى


مقدمة لكورس صيانة الكمبيوتر المجانى
هذا الكورس برعاية ميكساوى ووبس

 بسم الله الرحمن الرحيم 

                       السلام عليكم ورحمة الله وبركاته
أخوتى فى الله فى كل مكان من المحيط الى الخليج
                                    طبتم وطابت أيامكم وأسعد الله أوقاتكم بكل خير
فى ظل الظروف الأقتصادية الصعبة اللى كلنا بنمر بيها أكيد كل واحد جواه هدف محدد
واللى هو 

( إزاى أحسن دخلى ؟!)


سؤال يمكن صعب جداً بس أكيد بإذن الله مش مستحيل
سؤال بيتردد جوة كل واحد جوة خلاط الحياة الصعبة اللى أحنا عايشينها
متقلقش خللى عندك إرادة تصميم  وتابع معايا  مدخل إلى "كورس صيانة الكمبيوتر الشامل والمجانى(بالفيديو) بالكامل " بإذن الله من الصفر إلى الأحتراف
- بتدور على قرش حلال ؟ خليك معايا وتابع كورس صيانة الكمبيوتر الشامل والمجانى(بالفيديو) بالكامل
- بتدور على تحسين دخل ؟ برضه خليك معايا للأخر وتابع كورس صيانة الكمبيوتر الشامل والمجانى(بالفيديو) بالكامل
- عايز تفتح مكتب او محل صيانة ومعكش فلوس وعايز تاخد كورس بس معكش فلوس برضه خليك معايا وتابع  كورس صيانة الكمبيوتر الشامل والمجانى(بالفيديو) بالكامل
معاك 2000 جنيه مثلا وعايز تاخد كورس ومش هتقدر تجيب الأدوات لأن أأقل كورس ب2000 جنيه .. وفر فلوسك لأدواتك والحاجات اللى هطلبها منك  للصيانة  واللى هقولك عليها وخليك معايا وبإذن الله هخليك برنس صيانة ومهندس صيانة كمبيوتر ولاب توب محترم.

>>> كورس صيانة الكمبيوتر الشامل والمجانى (بالفيديو) بالكامل <<<
أغلب الناس اللى بيدوروا على تحسين دخل بيبقى  متجوز ومعاه أطفال وعايزهم أحسن منه ترليون مرة طيب إيه الحل؟ لو أنت غاوى الكمبيوتر واللاب توب وشايف أنك ممكن تقدر تكسب منهم كويس يبقى أنت كده ماشى معايا مظبوط وربنا هيكرمك بإذن الله.
بما إنى مهندس كمبيوتر صيانة كمبيوتر ولاب توب وفى المجال ده من سنة 2010 فأنا قررت أديلك كورس صيانة مجانى ! مجانى؟ اه مجانى مع العلم والله لو دورت على النت على كورسات هتلاقيها بفلوس أو أى حد عرف معلومة يقوم ينزلك فيديو وأتنين وأستوب على كده وزهق وملٌ والأحباط يشتغل بقه وفى الأخر الناس تزعل منه وميكملش.




>>> كورس صيانة الكمبيوتر الشامل والمجانى (بالفيديو) بالكامل <<<
أنا مش بحب أهجص وأتكلم كتير أنا بحب الأفعال وإنشاء الله هتشوف بعينك.
أنا مش زى ناس كتير عايزة تجيب زيارات غير شرعية لموقعه عن طريق النصب وشغل تشغيل الدماغ لأ لأ مش أنا والله ومش بحب الأسلوب ده أنا لما أأقول حاجة عارف أنا بقول إيه كويس وواثق فى الله وواثق فى نفسى والحمد لله.
 مش زى مثلا واحد يقولك هكسبك من النت عن طريق كذا وكذا ودولارات وفلوس بالههبل  وفى الأخر يطلع كله علشان سيادته بيدور على مصلحته ومش فارقة معاه ياكل بفلوس حلال ولا حرام
أنا بإذن الله مش  هعشمك بحاجة وأضحك عليك وأشيلل ذنبك وأنا والله مش هقدر أشيل ذنب حد أو دعوة من حد عليا.
>>> كورس صيانة الكمبيوتر الشامل والمجانى (بالفيديو) بالكامل <<<
طيب بداية كده بإذن الله لو لينا عمر أنا هخليك أحسن منى كمان وتعرف تصلح وتصين  أى كمبيوتر أو لاب توب بس هبتدى بالسهل اللى هو " سوفت وير " يعنى تجيلك أعطال خاصة بالسوفت وير ويندوز أو تعريفات وبرامج أو تقسيم هارد ديسك  أو أعطال بسيطة بالنسبة لك بس بالنسبة للعميل صعبة ومش عارف يحلها.
هعرفك أسرار ورشة الصيانة كلها بس الكل المطلوب منك متابعة وتعليق لأى سؤال محيرك أحنا مش بنفض لحد بالعكس إحنا بنرد على جميع التعليقات وده بيفرحنا جداً لأنه بيحسسنا بأهتمامكم وأننا بنعمل المطلوب وزيادة كمان.


>>> كورس صيانة الكمبيوتر الشامل والمجانى (بالفيديو) بالكامل <<<

يبقى أتفقنا بإذن الله أننا نشتغل على السوفت وير وهنتكلم شوية عن السوفت وير والهارد وير علشان فيه ناس أبيض يعنى ميعرفش أى حاجة فى صيانة الكمبيوتر. 
فأنا بإذن الله هبسطلك الأمور وهبتدى معاك كى جى وان صيانة وهخليك بإذن الله تبتدى تشتغل من أوضتك أو بيتك وتفتح محل كمان بإذن الله وكله بالترتيب يعنى خطوة خطوة علشان متوهش منى وأشتتك.

>>> كورس صيانة الكمبيوتر الشامل والمجانى (بالفيديو) بالكامل <<<
نبتدى على بركة الله وعلى الصلاة على حبيبنا محمد صلى الله عليه وسلم ونستعين بالله 
فى البداية هقولك  أزاى بدأت طريقى فى المجال ده وأتمنى منكم أنكم تستفيدوا منها.
" أنا من التسعينات كنت بحب الكمبيوتر والجيمز وخلصت كلية ف 2009 وبدأت أحب الكمبيوتروأبتديت أتحول  من هاوى إلى محترف وعندى مكتب صيانة خاص بيا والحمد لله ولاقيت عندى الموهبة فى الصيانة وطبعا خربت أجهزة ناس كتير فى الأول وفرمت هاردات كتير بس العلام مش ببلاش وكله بالصبر.

>>> كورس صيانة الكمبيوتر الشامل والمجانى (بالفيديو) بالكامل <<<

(قصتى مع الصيانة والتصميم على تعلم كل ما يخص الكمبيوتر)

قدمت على كورس صيانة كمبيوتر هاردوير مرة واحدة  ( شوفت الأفترى ) فى أكاديمية فى القاهرة وجهزت شنطتى وتوكلت على الله سافرت وأول ما وصلت المكتب ( توهت فى القاهرة طبعا ودوخت لحد ما وصلت المكتب ) أستقبلونى أحسن استقبال وأول ما البشمهندس وصل وقعد معايا مسك بوردة كمبيوتر وقعد يمتحنى طبعا النتيجة كانت " 0 " بصلى كده بصة خوفتنى الصراحة  قالى طيب تعرف تعمل ويندوز ؟ قلتله لأ قالى خد شنطتك وتوكل على الله روح لبلدكم معنديش كورسات وخد فلوسك من الاستقبال !!!!!!
>>> كورس صيانة الكمبيوتر الشامل والمجانى (بالفيديو) بالكامل <<<
طبعا أتصدمت بس قلتله وانا مش ماشى انا جبت الفلوس دى بالعافية ومش هقدر ارجع لأهلى صفر اليدين قالى اسف أنت أبيض ميح متعرفش اى حاجة فى الصيانة وبعد محاولات انه يقنعنى انى اروح صممت وقلتله لو همسح جزم فى القاهرة برضه هتعلم صيانة (تصميم) هو حس إنى مش جاى اهزر وجاى اتعلم بجد قالى طيب كلف نفسك وأنزل فيه سايبر واحد يعرفه وقالى قله بيقولك بشمهندس فلان علمنى صيانة سوفت وير روحت اتعلمت وابتديت فى الكورس الهاردوير بعد ما خلصت كورس السوفت والحمد لله.

>>> كورس صيانة الكمبيوتر الشامل والمجانى (بالفيديو) بالكامل <<<
كورس الهاردوير بقه هو صعب الحقيقة بس فى الاخر اتعلمت وبقه عندى شغلى الخاص ومكتبى والحمد لله .. ويا جماعه الصبر ثم الصبر لازم تصبر وربنا هيجازيك إنشاء الله كل الخير أهم حاجة الصبر. دى كانت قصتى مع صيانة الكمبيوتر وتقدر تقول حبيت المجال ده أوى على الرغم من الصعوبات اللى واجهتنى أول ما فتحت مكتب الصيانة بس بالخبرة أتعلمت والحمد لله وبقه السوفت وير ده مجرد تسلية بالنسبالى زى ما هيكون بالنسبالك حاجة تافهة أوى بس أنت أتعلم علشان تكسب وتقدر تحسن دخلك ويبقى ليك وضعك وأهم حاجة فى شغلانة الصيانة حُب الناس ولو الناس حبتك لو أنت فى اخر الدنيا هتجيلك.




>>> كورس صيانة الكمبيوتر الشامل والمجانى (بالفيديو) بالكامل <<<
يلا نبتدى نعرف إيه السوفت ويربطريقة سهلة وبسيطة 
السوفت وير بمعنى بسيط  انه اى حاجة تخص الكمبيوتر واللاب توب من ويندوز وتعريفات وبرامج وتقسيم الهارد ديسك وصيانة الهارد ديسك او الويندوز مش بيكمل او الويندوز ساقط  (من غير ما نيجى جنب البوردة أو نفتح غطا الكيسة)  يعنى شغلك هيبقى بفلاشات وأسطوانات ودماغك يا بشمهندس.

الهارد وير بقه يعنى أنك تكون عارف مكونات البوردة وطرق قياس أى مكون عليها وأزاى تغير المكون التالف وأزاى تعرف العطل فين (يعنى من الاخر الهارد وير حل عطل فى البوردة مش فى الويندوز) وفك المكون التالف وتركيب أخر جديد وده عكس السوفت وير تماما السوفت وير أتفه حاجة ممكن تتخيلها ودى بتاعتى أنا إنى هخليك بإذن الله برنس سوفت وير وبشمهندس قد الدنيا وتعرف تجيب القرش الحلال من بوق الأسد بإذن الله

>>> كورس صيانة الكمبيوتر الشامل والمجانى (بالفيديو) بالكامل <<<

دى مقدمة فى كورس  صيانة الكمبيوتر واللاب توب
الموضوع ده هو بداية لكورس صيانة الكمبيوتر واللاب توب سوفت وير
 من تنزيل ويندوز وتعريفات سليمة وبرامج شاملة وشرح أسرار ورش صيانة الكمبيوتر واللاب توب والأعطال وحلولها
 (أى حد يقدر ينزل ويندوز بس مش 
أى حد يقدر يظبطه الكل بيعرف يطبخ بس مش الكل يعرف يظبط الطبخة)
>>> كورس صيانة الكمبيوتر الشامل والمجانى (بالفيديو) بالكامل <<<

الفيديو فيه كل ما تحتاجه من أدوات صيانة وفيه شرح بإذن الله لكل حاجة هتحتاجها
وأى استفسار أكتب تعليق وانا هرد عليك.
الدرس القادم بإذن الله هيبقى المطلوب منك تعمل إيه وجهز نفسك لأن الدرس اللى بعده مباشرة هيبقى أول حلقات كورس صيانة الكمبيوتر الشامل والمجانى (بالفيديو) بالكامل
متنساش دعوة بظهر الغيب لأخوكم والقائمين على الموقع 
وأليكم الشرح بالفيديو 






عن الكاتب

Hema Medra ،مدون عربي مصري الجنسية اصيب بجنون التدوين و متابعة الجديد و حب المنافسة في هذا المجال ، وأهتم بجديد التقنيات وتطوير البرامج هدفي من خلال هذه المدونة هو مشاركة كل ما اراه مناسب و جديد و يأتي بالفائدة على الجميع انشاء الله.،

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

ميكساوى للمعلوميات

2017