ميكساوى للمعلوميات ميكساوى للمعلوميات
فيسبوك

آخر الأخبار

فيسبوك
اخبار
جاري التحميل ...
اخبار

بالفيديو / الدرس الثانى من كورس أتعلم صيانة صح " كورس صيانة الكمبيوتر واللاب توب سوفت وير" المجانى



 الفيديو الثانى من كورس صيانة الكمبيوتر المجانى (إتعلم صيانة صح)
هذا الكورس برعاية ميكساوى ووبس

 بسم الله الرحمن الرحيم 

                       السلام عليكم ورحمة الله وبركاته
أخوتى فى الله فى كل مكان من المحيط الى الخليج
                                    طبتم وطابت أيامكم وأسعد الله أوقاتكم بكل خير
أتكلمنا فى الدرس اللى فات عن الادوات والعدد المطلوبة فى الصيانة واللى بتحتاجها ورشة الصيانة من هيتر وهوت جن وفلكس ومكوة لحام وقصدير وخلافه 
وعلشان متدوخش أو تحتار ده رابط أول درس فى دروس إتعلم صيانة صح 

رابط الدرس الأول 


النهارد إستكمال للكورس اللى بدأنا فيه بإذن الله سواء أنت عايز تفتح محل صيانة وتاكل منه أحلى عيش بإذن الله 
أو لو أنت برضه عايز تتعلم أزاى تعمل كل حاجة فى بيتك من ويندوز وخلافه تابعنى
وسواء أنت عايز تتعلم صيانة وتتعلم تنزيل ويندوز وتقسم الهارد وترجع اى حاجة أنت مسحتها وبرضه لو عايز تحافظ على الويندوز بتاعك مدى الحياة ....الخ

طيب ايه المطلوب دلوقتى ؟

فلاشة 8 جيجا أو 16 جيجا فيما فوق زى ما تحب وتابع الفيديو شرح مبسط جدا وسهل جدا هيعرفك طريقة تنزيل نسخة ويندوز على فلاشة 
او بالمصطلح بتاع شغلنا " حرق ويندوز على فلاشة"  وهيبقى معاك على الفلاشة أكتر من  نسخة ويندوز مش نسخة واحدة بس وبرضه هيبقى معاك أسطوانة الأنقاذ Hiren's Boot طبعا فيه ناس هتقولك نعم؟قول؟ايه ده ؟ بقولك أسطوانة هيرين بوت

يعنى إيه بقه الهيرين بوت دى ؟ أنا هشرحهالك بالتفصيل بس مش دلوقتى بس مبدأياً هقولك أنها الأسطورة بتاعة شغلنا كله ودراعنا اليمين اللى منقدرش نستغنى عنه ..للدرجة دى يعنى ؟ هقولك أه والله.

مثال بيمر عليا كل يوم كتيييير اوووى فى ورشة الصيانة
عارف أنت لما تكون حاطط حاجات كتير مهمة على الديسكتوب وفجأة الويندوز يسقط وتجرى على بتاع الصيانة وتقوله ألحقنى انا بضيع يقولك بس أهدى وتحكيله ويقولك ربنا يستر يا عم وانا هشتغل فيه وهحاول وكده صح ؟
تقوم تروحله تانى يقولك الحساب 100 جنيه !!؟؟ اه انت مزنوق ومضطر وغصب عنك وهتدفع يعنى هتدفع ومش هتعرف تتكلم كمان معلش مش هتدفع تانى بإذن الله

 

الأسطوانة دى بقه هعرفك أزاى لو الويندوز سقط 100 مرة تعرف ترجع حاجتك تانى وهعرفك تقسيم الهارد وأزاى تعرف حاله الهارد والتقسيم السليم للهارد من غير ما تهدر أى ميجا بايت واحد .

ولو عايز تزود بارتيشن من غير ما تفرمت أى حاجة برضه عن  طريق الاسطوانة دى
 هاا تمام ؟ فهمت ؟! لسة بقه فيه حاجات كتير لا حصر لها وهنزل شرحها بالفيديو ومش هسيبك إلا لما تكون بشمهندس صيانة قد الدنيا بإذن الله تعالى.
تابعنى أنت بس وأنت الكسبان بإذن الله ومش هتتندم وهتدعيلى.
مشاهدة ممتعة
والآن مع الفيديو 




عن الكاتب

Hema Medra ،مدون عربي مصري الجنسية اصيب بجنون التدوين و متابعة الجديد و حب المنافسة في هذا المجال ، وأهتم بجديد التقنيات وتطوير البرامج هدفي من خلال هذه المدونة هو مشاركة كل ما اراه مناسب و جديد و يأتي بالفائدة على الجميع انشاء الله.،

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

ميكساوى للمعلوميات

2017